"დედამ მკითხა, ცხვირი მიკროფონზე გაქვს დადებულიო? მივხვდი, რომ რაღაც რიგზე არ იყო" - ქეთა თოფურია წარუმატებელ პლასტიკურ ოპერაციასა და შვილის ამერიკის მოქალაქეობაზე
რუსული ჯგუფის "A'Studio"-ს სოლისტს, ქეთა თოფურიას გამორჩეული გარეგნობა აქვს. მომღერალი უკვე წლებია, რაც რუსეთში ცხოვრობს და მღერის. მედიაში ხშირად ქვეყნდება მასალები მისი ოჯახური ცხოვრების შესახებ, თუმცა საინტერესოა, რას ფიქრობს პლასტიკურ ქირურგიაზე, ამაზე ერთ-ერთ ინტერვიუში გულახდილად საუბრობს, სადაც აღიარებს, რომ რინოპლასტიკა თავად ორჯერ აქვს გაკეთებული.
აღმოჩნდა, რომ ქეთი დადებითად არის განწყობილი რადიკალური კოსმეტოლოგიური მეთოდების მიმართ და თვლის, რომ პლასტიკური ქირურგია ეხმარება ადამიანებს პრობლემების გადაჭრაში, თუმცა იმ პირობით, რომ ეს ძალიან ფრთხილად იქნება გაკეთებული. თოფურიამ აღიარა, რომ პლასტიკური ქირურგიას დახმარებისთვის თავადაც მიმართა.
"ერთხელ გავიკეთე რინოპლასტიკა. ამან მხოლოდ უკეთესობისკენ შემცვალა. პრინციპში, არასდროს დამიმალავს და არც ახლა ვმალავ. მაგრამ როდესაც პლასტიკური ოპერაციების გაკეთებისას ქალები ზღვარს გადადიან და გასაბერ თოჯინას ჰგვანან, ეს საშინელებაა,“ - ამბობს ქეთა.
37 წლის მომღერლის თქმით, მან ტრავმის გამო ოპერაციის გაკეთება გადაწყვიტა. ერთ დღეს თოფურიას ნათესავმა დაუდევრად ესროლა შოკოლადის ფილა...
"ჩემი ბიძაშვილი მოვიდა სახლში, ჩვენთან და ხუმრობით ცხვირში შოკოლადი "ტვიქსი" მესროლა. მაშინ ნამდვილად ვიგრძენი ის მომენტი, როდესაც ამბობენ, რომ თვალებიდან ნაპერწკლები გამცვივდა. ცხვირი შემიშუპდა და კეხი გაიზარდა. მეგონა გამივლიდა, მაგრამ არა. გარკვეული პერიოდის შემდეგ სუნთქვის პრობლემები შემექმნა, ერთი ნესტოთი საერთოდ ვერ ვსუნთქავდი. ქირურგთან მივედი, რომელმაც ძგიდის ოპერაცია გამიკეთა. მოგვიანებით საკუთარ თავს ტელევიზორში რომ შევხედე, ცხვირის წვერი დაბლა მივარდებოდა. დედამ მკითხა: "ცხვირი მიკროფონზე გაქვს დადებული? მივხვდი, რომ რაღაც რიგზე არ იყო“, - განაცხადა პოპ-ვარსკვლავმა.