"იმ იმედით მოფრინავს იტალიიდან საქართველოში, რომ ჰგონია შვილები რეანიმაციაში ჰყავს" - ტრაგედიას შეწირული ერთი ოჯახის 4 წევრი
ბაღდათის მუნიციპალიტეტში, საზარელი ტრაგედია დატრიალდა. მეწყრის ჩამოწოლის შედეგად ბოლო მონაცემებით, დაღუპულია 8 ადამიანი. კიდევ ერთს კი მაშველები ამ დრომდე ეძებენ.
სოფელ ნერგეეთში სტიქიის დროს გარდაცვლილებს შორის არიან რობაქიძეების ოჯახის წევრები, მაშველებმა მამისა და მისი სამი შვილის - უფროსი ვაჟისა და ტყუპი გოგონების ცხედრები იპოვეს.
ჩვენი ინფორმაციით, ყველაზე მეტად მათი სახლი დაზიანდა. როგორც ბავშვების პედაგოგი გვიყვება, ეზო სრულად გასწორებული იყო, სახლის სახურავი კი მეწყერმა მდინარის მეორე მხარეს გადაისროლა.
იმ ღამეს სახლში გია რობაქიძე და მისი შვილები, ტყუპი დები, ანა და ქეთი და ძმა, დავითი იმყოფებოდნენ, დედა წლებია რაც საზღვარგარეთ ემიგრაციაშია.
"აფრინდა თვითმფრინავი, მადონა იმ იმედით მოფრინავს იტალიაის ქალაქი ბარიდან საქართველოში, რომ შვილები რეამინაციაში ჰყავს. ადონა დღეს 8 თებერვალს დაფრინდება ქუთაისის აეროპორტში იტალიდან ქალაქი ბარიდან... 14:45 წუთზე," - წერს ემიგრანტების იმედი, შოთო სიხარულიძე.