„როგორ დამიტოვეთ ქრისტო მარტო! როგორ არ შეიცოდეთ" - ცნობილია ქალის ვინაობა, რომელიც მეწყერის დროს შვილთან ერთად დაიღუპა
ცნობილია ბაღდათში, მეწყრის ჩამოწოლის შედეგად დაღუპული ქალის ვინაობა. დაღუპული მაია ჩეჩელაშვილია. მაშველებმა ასევე იპოვეს მისი შვილის ნია რობაქიძის ცხედარიც.
„ჩემო თვალებციმციმა გოგო. ჩემო მაიკო როგორ დამიტოვეთ ქრისტო მარტო! როგორ არ შეიცოდეთ",- წერს ოჯახის ახლობელი.
შეგახსენებთ, რომ ბაღდათის სოფელ ნერგეეთი სამძებრო-სამაშველო სამუშაოები გრძელდება. ღამით ჩამოწოლილმა მეწყერმა 4 სახლი მოიყოლა. მაშველებმა ამ დროის მონაცემებით იპოვეს ოთხი ადამიანის ცხედარი, ეძებენ ხუთ ადამიანს. ერთი ადამიანის გადარჩენა მოხერხდა, ის კლინიკაშია გადაყვანილი.